https://news.pts.org.tw/article/539057
东奥颁奖放送国旗歌 台语剧团创作台文歌词
林纬廷 / 嘉义报导 发布时间：2021-08-08 18:10 更新时间：2021-08-08 18:59
https://youtu.be/arySV9NuEQU
咱的选手伫奥运提着金牌的时，颁奖典礼就会演奏这条国旗歌，这条歌予台湾人民的感受
是真复杂。这阵注心台语戏剧创作的阮剧团，有团员共这条歌重新填词，写出一条台语版
本的歌曲。
歌曲：“毋管伫佗位，毋管伫何时，台湾人民，团结斗阵。”
熟似的歌曲，毋过煞是无仝的语言佮歌词，原本用华语唱的国旗歌，有剧团的成员用台语
文重新创作新的歌词来演唱。
阮剧团员 庄庭瑜讲，“MC JJ就是这条歌的创造者，伊是想讲其实因为阮的母语是台语，
所以阮用台语写这条歌，伊彼个头壳内底，浮出来一句台词就是讲，毋管伫佗位 毋管伫何
时，这就变做这条歌的第一拍。”
这条用台语文创作的国旗歌内底，歌词的意思真好了解，而且内底特别点出台湾人对佗位
来、对佗位去，表达台湾的多元历史文化。
阮剧团员 李冠亿讲，“过去拢是唱华语，细汉时仔国小咧学的时阵，其实听无这歌词咧讲
啥物，这马改做台语，我感觉会阁较亲切，阁较好了解，尤其是阁较接近台湾这块土地。
”
阮剧团员 吴盈萱讲，“另外一句就是共伊反转来，因为其实咱台湾人民，有一寡人是按呢
足紧入来，嘛有足拍拼会当出去，其实这拢是为著咱台湾和平，为著逐家的希望，行出去
无仝款的所在，行入来台湾。”
阮剧团讲，台湾是一个多元的国家，有足济族群，希望这首台语的国旗歌只是一个开始，
嘛期待无仝语言的族群，做伙来创作各种符合台湾族群的国旗歌。
歌曲：“毋管对佗来，毋管对佗去，千千万代为和平。”