好啊，我就来用台语发一篇。
嘛希望会当看着客家、原住民用家己母语发文，因为咱台湾人本来就有权利伫台湾公共场
合，用家己的台湾母语发言~
免惊人看无，人若想欲了解，自然会来请教，大力共写落去就著矣啦~
人愈欲打压咱台湾母语，咱著愈爱加讲，愈讲愈畅，呵呵。
毋过爱先讲清楚，虽然台语是对中国泉、漳来的，但是台语无等于泉、漳话。
这个道理就亲像台湾汉人来自中国，但是咱绝对毋是中国人，仝款意思~
阁来讲母校消失这件代志。
我本身所读的大学是犹未消失，犹毋过若有一工，伊亲像这阵的交阳并校仝款，按呢我会
感觉足无彩的。
不管按怎讲，总是对“某某大学”毕业的，这个“某某”两字本身就是回忆矣，若改名当
然会感觉怪怪的。
毋过，若算起来犹是改名较好，或者是无改已经袂用得，按呢嘛无法度矣。
差不多是按呢啦，嘻嘻，就赞助一篇，予咱台湾ptt八卦板会当阁较多元化，嘛向望后摆
会当看着阁较济的客家佮原住民文章~
阁讲一摆，免惊人看无，因为遮是台湾，咱用台湾母语发言真正常~