我嘛来缀流行，写一篇文章来记念阮阿公。
阮阿公做过村长，庙兮主委，柱仔脚，果菜市场主任...等等，算是较家婆兮人，爱睬(插
)政治，日本时代，阿本仔共(给)庄内兮庙拆掉，尾仔国民党来，有宗教自由啊，就重起
大庙，阮阿公出钱出力，即马庙内柱仔犹搁看会着阮阿公阿妈兮名字。
伊国民学校(小学)无毕业，日语无盖好，上济爱看Z频道兮摔角佮彩虹频道尔尔，伊嘛无
做过日本兵，228佮伊无啥底事(代)。
国民党执政，开放地方自治，伊选着村长，爽徦(甲)，盖扬，搁配一台机车予伊，乌西兮
钱嘛加减提寡，所以我毋捌听过伊骂国民党。
伊规工上爱骑一台autoBike四界浪留连，载大孙(我)去揣(寻)知己泡茶，人咧讲"大孙顶
尾囝"，彼阵有影共我疼命命，过年红包上无嘛1万起跳。
阮兜有饲鸡，伊取(娶)我去鸡寮仔勾鸡，种菜瓜兮形影，今犹搁想会起来。
伊因为交际应酬，薰(烟)，酒，槟榔拢总来，不幸得着口腔癌，电疗化疗拢创落去，原那
无效，70岁少年少年就过身囉，伊知影自己劫数难逃，捌共我讲伊欲去观音菩萨边仔修行
啊，毋知伊即马伫西方极乐世界，过了好无?
伊彼阵入木(棺材)时，予我兮最后一包红包(手尾钱)，我今犹留兮，听人讲用这钱去做生
理，会大葩尾，希望我家己以后会有出脱，我以后百岁年老，有彼兮面去见伊，
再相会，我兮阿公。