彼号(hit-lo7)，有一句话咧讲
"泉州吞腹内，漳州吐出来"，
泉州话听起来，恰若嘴含卵，
别人听着，会讲"
你是周杰伦呢(nih腻)，讲啥洨，令爸共你巴落去."
就安呢，多数暴力煞予别人自我怀疑，自我检讨，尾仔着是放弃母语。
头前maple网友举兮例，那予一个公平兮人来两种选一种，看叨一种音听较有，
百面是漳州话赢。
而且交通发达了后，人来来去去，讲话着会予优势腔牵去，
绿岛话，金门话，澎湖话拢受着台湾话兮影响，地方特色遂愈来愈薄。
有兴趣兮朋友，会当去看洪惟仁兮博士论文"音变的动机与方向，漳泉竞争与台湾普通腔
的形成"。足济中文系兮硕士论文，哩研究闽南语兮，拢有诚好兮探讨，予你做参考。