阿义踅夜市 是一篇闽南语朗读的经典文章
为什么可以写的这么好笑 有没有这篇文章的八卦?
全文如下:
阿义和阿姊去踅夜市。姊仔想欲买一寡查某囡仔物，歹势予伊缀，叫伊家己先去揣食的，
才约所在相等。
阿义诚爱食意面，嘛爱食花枝。伊看着一个面担仔，看板顶悬写“花枝意面”。伊想
讲，“欸……赞喔！这两项赞，阁毋捌食过滥做伙的，来食看觅咧”。伊就行倚去，共头
家娘讲：“花枝意面来一碗。”
头家娘请伊入去坐，笑笑仔讲“随来喔！”一下仔就捀一碗面过来矣。阿义诚欢喜，
一喙食过一喙，食甲咂咂叫，毋过食规晡，食无半块花枝，伊伫碗里遮抐遐抐，抐来抐去
，嘛是抐无。心内起憢疑，“花枝咧？敢讲头家娘袂记得囥？敢会是头家娘共我唬？”伊
愈想愈气，就捀彼碗面去共头家娘问：“头家娘，哪会花枝意面无食著半块仔花枝？你无
老实啦！”头家娘笑笑应讲：“歹势啦！花枝是我的名啦！”
一听头家娘按呢讲，伊感觉歹势，只好鼻仔摸咧，紧共䞐的意面食食咧，钱纳纳咧就
紧走矣。
伊行啊行，来到一间豆花担。伊想讲拄才仔烧面才食煞，这马来一碗冰的豆花来降温
一下。伊共卖豆花的小姐讲，“我欲一碗冰的”。可能去听重耽去，捀来的是一碗烧的。
伊一看着冲烟的豆花，心内想讲“哪会遮衰，连豆花都出问题。”伊想讲敢会‘豆花
妹’听无台语，就假**滥咧讲，“小姐，你捀毋著去矣，‘服务’诚**我欲‘冰的’。
”小姐一听着伊讲欲反桌，随叫阿母出来赶人客。阿义豆花食无阁满面全豆花见笑甲紧旋
。
伊想讲，“今仔日卖食的真正是袂食的。无要紧，我来买看有啥物穿的、用的无？”
当伊按呢想，伊目睭去影著一个足成三伯的人。三伯上疼伊，好空来矣，三伯会在伊买。
伊就三步做一步紧走倚。伊接近三伯的时阁大声喝“三伯…三伯…”，才发觉，死矣，原
来伊认毋着人矣！伊只好继续走，继续念“三八、三九、四十……”走过一大节路，才敢
停落来歇喘。
花枝食无、豆花捙倒担阁目睭花花，匏仔看做菜瓜，半路认三伯，有够衰。伊心内紧
欲揣阿姊。一看着，伊大声喝讲“阿姊你是去佗位？”想袂到，阿姊共睨，骂伊讲，“无
礼貌，哪会当讲我死去佗位？”