较早嘛捌拄著这款代志
同学佮厝内人冤家，雄雄走来我税厝的所在，讲欲蹛几工
讲实在，我佮伊交情是足好的，当然嘛答应
结果．．．
伊蹛我遮一个月
自这件代志以后我才知影
好朋友诚实无一定适合蹛斗阵
我本来掠准讲予伊蹛几工无啥
结果生活习惯诚实袂合
而且我嘛无家己想的遮呢有腹肠
因为我事后想想下
彼个月我对伊诚实无讲真客气
所以结论是：
若诚实无法度，必须人共你帮忙
嘛爱紧想办法家己徛起来
靠别人是上痛苦的代志
较早：以前 嘛：也 捌：曾经 拄著：遇到
这款：这样的 代志：事情 佮：与、及 厝内：家里
冤家：吵架 雄雄：突然 走：跑 税厝：租房
所在：地方 欲：想要 蹛：tua3，住 几工：几天
足：非常 遮：这里 知影：知道 诚实：真的
斗阵：一起 掠准：以为 予：hoo7，给 无啥：没什么
袂合：不合 家己：自己 遮呢：这么 腹肠：肚量
想想下：想一想 彼：那 无讲：没有说 真：很
无法度：没办法 共：把、将 爱紧：要快点 徛：站
上：最
台湾闽南语常用词辞典
http://twblg.dict.edu.tw/holodict_new/index.html