由升职变停职 暗角打镬总督察起底
14,250 viewsx014年10月28日
讲开“光明磊落,暗角打镬”嘅七魔警,当中职位最高系总督察黄祖成,记者出黎跑黑社会新闻,例如喺黑帮红白二事,好多时会见到黄sir带住O记啲手足到场,镇住黑帮气焰,佢系反黑老手。
好似今年年初水房坐馆大孖结婚,水房一众高层在场庆贺,但现场见到黄sir,就变到学生见老师一样,恭恭敬敬打招呼,当晚胜和坐馆沙田me揸林宝坚尼,被警察捉住吹波仔,佢大唱黎明经典金曲《对不起,我爱你》冧黄sir同佢班伙计。
当时黄sir同过我地讲,其实佢好enjoy做警察,特别系夜晚突发嘅operation,佢会第一时间赶到现场。黄sir系红裤子出身,在警队内跑过不同部门,听闻黄sir已经见board,事业本可更上一层楼,但打人事件后,黄sir已经被停职,佢嘅下属同仲话,佢系最有人情味嘅阿头,对下属亦讲道理。虽然同袍帮佢讲尽好说话,但传媒影到警察滥用私刑,有图有真相,打人嘅警察可以喺黑夜镇到班古惑仔,但面对和平示威者系另一回事,打人只会影响自己和警队形象。
http://tinyurl.com/p2dpcve