专访︱陈奕迅亲自感受新歌魔力　自认变得眼浅：10年前唔会咁！
https://tinyurl.com/yx9ggo7x
撰文：刘传谦 2020-10-21 20:09
陈奕迅（Eason）继早前翻唱2001年代表作《Shall We Talk》后，近日推出全新广东作品
《致明日的舞》，并在今日（21/10）于各大音乐平台上架。早前Eason透过视像会议形式
接受《香港01》访问，期间更不时哼起新歌，表现得相当雀跃。
亲试新歌魔力：听完心情会舒服啲！
新歌由林家谦作曲，Oscar填词，旋律轻松悠然，令人听起来感到舒畅，而且有种释怀的
感觉。他亦分享自己听新作时感受到的魔力：“𠮶日一起身，心情唔知点解唔系咁好，好
似系特登畀个机会我试下，听完系咪真系好番。我听完第一次都仲系有啲唔开心，之后再
听多次，都唔系好开心，但系好似有啲帮助；再听第三次，又真系会舒服啲，始终个节奏
同旋律的确可以令我放松。”
Eason坦言，每次听到《致明日的舞》都会觉得感动，但背后反映自己在情感上出现变化
：“我相信廿年前，或者十年前都好，都唔会有呢种感觉。系咪人大咗会容易喊啲呢？点
解会感性咗呢？到依家我会多咗呢啲疑惑，可能系年纪大啲，经历多啲，人就会容易有感
受，同理心都愈来愈大。我以前好钟意讲笑，但系个人开始认真咗，但系依然唔想咁严肃
。”
https://i.imgur.com/Vf84jUo.jpg
图：Eason坦言，现在每次听到《致明日的舞》都会觉得感动，但十年前的自己绝对不会有
同样感觉。
欣赏林家谦作曲才华：佢系天才！
谈起今次与林家谦合作，他透露自己近两年都有互相联络，在听过他的作品后，认为对方
非常具音乐才华：“我觉得佢把声好特别，啲歌系写得好好，佢系一个天才，无师自通，
都冇乜点学过（作曲），好叻仔，所以好想同佢合作。”他又笑指自己年纪渐长，希望与
新生代音乐人合作：“记得潘迪华姐姐讲过：‘我都咁上下年纪，梗系同啲后生嘅人玩下
。’我觉得呢样嘢好啱，既然林家谦同Oscar都系后生仔，就揾佢哋啦，依家都仲有啲歌
倾紧点玩。”
经过今次合作，Eason认为林家谦和Oscar思想已经十分成熟，在他们身上看到一份冲劲。
谈起林家谦的作品，Eason直言每一首歌都爱听，当中尤其喜欢他的出道作《下一位前度
》，他说：“有一排个人燥底，但系我一听前奏嘅钢琴声同弦乐，我即刻放松晒，唔知点
解，呢首歌对我嚟讲好自愈，令到自己即刻冷静咗。”他亦听过《特伦斯梦游仙境》，认
为Oscar笔下的歌词有趣，写出年轻人的活力。
https://i.imgur.com/fufJ4MT.jpg
图：除了《下一位前度》，Eason亦喜欢《拼命无恙》：“佢嘅风格唔似一般成日听到嘅广
东歌。”
为免影响心情　不再长时间睇新闻：知道有件事发生就得
《Shall We Talk》和《致明日的舞》同样以都市人的精神健康出发，前者希望鼓励听众
打开与身边人的沟通隔膜，而后者则以舞蹈比喻人生，为明天跳出新希望。被问到是否有
意透过作品唤醒市民对精神健康的关注，Eason坦言自己从未想过，但发现自己不自觉地
想深入了解精神健康问题，他又指：“有时只系想唤醒大家，唔好标签精神病患者，觉得
佢哋有某一种反应同思维，你点知自己冇呢？”
被问到如何在现时社会气氛下保持乐观，Eason坦言除专注音乐创作外，亦会减少看新闻
的时数。他觉得现时大部分新闻都令人感到抑郁，认为少看新闻会对自己有帮助：“其实
新闻报道不断重复，唔需要睇咁多，知道有件事发生就得。我可能会对新闻有感受，但系
𠮶篇新闻唔系直接同我有关。点解我要咁紧张，甚至系太过投入呢件事呢？我最开心嘅系
录音、创作，其实都系间接地关心紧呢个世界，都系做紧一样嘢系令人放松。”
https://i.imgur.com/ciYoe0s.jpg
图：除了音乐创作，Eason喜欢透过与不同人畅谈保持开朗。喜欢与其他人相处的他直言，
如果Fans有礼貌地提出与他合照，他都会一一答应。