【01众故事】 陈奕迅(上集)《L.O.V.E.》险难产 出实体碟为啖气？
来源：https://bit.ly/2EGkbA1
（内有影片）
陈奕迅（Eason）即将推出新专辑《L.O.V.E.》记录与DUO Band八年情，专辑由各成员一
人一歌结集而成，对DUO Band及乐迷来说也是相当有份量的礼物。今时今日Eason坚持出
实体碟，是为啖气？还是为了延续那份能紧握在手的温度？
摄影：黄宝莹
今时今日买实体碟为乜？ “系为咗储起个回忆！”
面对时代洪流，乐迷听歌习惯改变，智能电话已取代CD机，甚至大型唱片店亦相继倒闭，
到底今时今日出实体碟是秉承传统还是“执迷不悔”呢？Eason直言：“重点唔系在于仲
有几多人买碟！仲会买碟嘅朋友系想储返呢件事，系一个纪念品，有几多人有CD机吖依家
？”的确，实体载体逐渐被电子产品的便利取替，但市场仍然有人反其道而行，正因为实
体载体有一份无法取代的温度。
无论环境如何改变，Eason做音乐的心态依旧：“我哋都系咁做音乐，系一个好大嘅兴趣
，系奢侈㗎！但我又唔识做第二啲嘢，而且呢样嘢系做得最好嘅，仲有咁多人陪你一齐癫
，只不过系销售方法唔同咗之嘛！”
一次个拎住三十几只碟吓亲张学友 “我系有买碟情意结！”
相信大家也能体会到Eason对实体碟的热爱，他更分享一个向偶像张学友“挑机”的小故
事。有次Eason一口气带三十多张CD给学友签名，他回想起也忍俊不禁：“我都几唔好意
思，因为一次过要签晒三十几只都几甘！哈哈！”Eason更问学友是否清楚每一次专辑的
推出顺序，岂料对方神回一句：“呢样嘢你唔够我熟㗎喇！”然后有条不紊地逐一排好次
序。Eason回想起那时情景，大赞学友的记忆力：“所以佢咪系我偶像，我连呢样嘢都学
埋佢！哈哈！”
受David Bowie、Prince启发 《L.O.V.E.》争啲变“隐世”专辑？
有留意Eason的乐迷都知道，《L.O.V.E.》专辑基本上在2013年已完成，经历种种原因才
于今年推出。原来他差点效法英国传奇歌手David Bowie的做法，将专辑留待离世后才推
出：“大吉利是讲句，如果我有病，我就会好似David Bowie咁plan。当时佢出完《
Blackstar》之后两日就过咗身，佢系用呢张专辑向大家say goodbye。所有嘢佢都plan好
晒，真系好劲！”
Eason豁达说：“《L.O.V.E.》本来有呢个意味，反正迟迟都未推出，咪等迟啲先出囉！
好似Prince咁，留待佢死后大家先发现佢有咁多歌未发表，只系冇得现身宣传咁解啫。”
每当谈及生死，都会有读者觉得“大吉利是”，但Eason这番话更令让大家了解到，他做
音乐并非“为做而做”，而是单纯地出自喜爱，《L.O.V.E.》的精神能超越时间延续下去
。