求验客手记：台湾队长有望投飞马
http://0rz.tw/Pey9E
http://0rz.tw/uxnGT
南华备战亚协杯招兵买马，今年同佢并肩作战嘅“兄弟兵”天水围飞马亦唔输蚀，中华台
北代表队队长陈柏良㖊日就随队试脚。年仅 22岁嘅柏良身形技术兼备，喺分组对赛仲有
一球进账，只系啱啱到埗，有啲疲态，但教练陈晓明观操后都认为佢天份甚高，基本功扎
实，有望帮助球队冲击亚协杯。宝岛职业运动离不开棒球同篮球，但曾经远赴巴西同日本
球会试脚嘅柏良，偏偏对非职业嘅足球情有独钟。坦言想去国外揾食嘅柏良，㖊日首次跟
飞马操练后，觉得节奏比台湾快，而访港前国内联赛休季一段时间，体能要有所提升；而
除咗佢之外，前大中日籍中场纳谷伊织亦正随队试脚。另外，周日喺大球场上演南华对公
民嘅银牌决赛，港台将会有声音直播，由资深评述员何静江同丹尼尔为大家旁述，听讲嚟
紧嘅贺岁波同部份联赛大战仲会添食呢。