我是学原始/早期佛教的
就是人讲的小乘、上座部
阮无规定出家人爱食菜
毋过干焦会当食三净肉
而且一寡动物嘛袂使食
譬论狗
所以嘛毋是完全无限制
就我家己的脑补
我发觉汉传出家人全面食菜
凡势上符合世尊的本意
看三净肉的规定就知矣：
无亲目看着、听着人咧(台刂)
嘛确定这肉毋是专工为我准备的
就是三净肉 会当食
简单讲
毋是因为我夆(台刂)死的
才会使食
这佮佛教基本戒律不杀生
是有合的
伫世尊的时代
出家人逐工爱去佮众生分
人予你啥就食
袂使拣
所以世尊当然无可能规定袂使食肉
这做袂到
毋过就是因为禁止杀生
所以才会有三净肉的规定
予比丘袂为著食饭困扰
会当专心修行
对遮的规定
我差不多会当确定
世尊是希望莫杀生佮食肉
所以汉传佛教既然是出家人家己传食的
发展到食菜
合理
食菜是为著培养慈悲心
慈悲心嘛有破除“我见”等等效果
所以食菜目的是离欲
若共食菜这件代志当做是主角
甚至惊去食着肉煞无法度食饭
按呢就佮修行的目标-解脱、烦恼灭尽
颠倒反矣
简单讲
若有条件
像汉传按呢食菜
我认为完全符合世尊的本意
我这阵嘛开始尽量减少食肉矣
非佛说
参考看觅 (^ ▽^ )