若以我所信仰的佛教来讲
本来就无灵魂
咱人只是色、受、想、行、识(五蕴)暂时结合的现象尔
色是色身
是肉体这寡物质的物件
受想行识是心理活动的过程
五蕴结合时会出现"我"的感觉
加上咱有记持 念念相续
予咱掠做真正有一个"我"
然后产生各种苦
无这阵掷一堆婴仔相照片予你
认会出佗一个是“我“？
早就无仝人矣
阁亲像蜡烛点火仝款
火烧遮旺
火敢是灵魂 敢是独立存在的？
其实无蜡烛(业)就无火矣
所以等人过身 五蕴崩解
啥物"我"的感觉拢无矣
䞐在生五蕴犹结合的时所造的业力
继续按因果法则去轮回矣
无灵魂 阁有转世
就是按呢来的
所以是按怎我会相信原始/早期佛教？
因为伊所讲的物件譬论无我、无常、苦、缘起等等
免等轮回
这世就会当去证明矣
参考看觅