讲著春联
因为恩主宫逐年拢会送真媠的春联
所以领春联的人足济
爱排真久
我今年贫惰排
就趁人较少的时间去
结果拢送完矣
拄好看着有信众提春联
伊共我讲办事处阁有
我就过去想欲领两份(替人提一份)
效劳生阿婆讲一人限领一份
我心内想讲
横直我挂喙罨
等下过五分钟我外套褪落来
假做另外一个人阁去领就好
等诚实欲做的时
想想下这等于是欺骗神明
而且是我的贪心所造成的(造业)
其实我已经领一份矣
其他的留予别人领嘛真好
行出庙以后
一个骑机车的中年人共我闸落来
问春联敢是咧恩主宫领的？
讲伊头拄仔入去无看着会当领
我共报领春联的方法佮所在
伊共我说多谢就骑走矣
我决定无欲骗人
结果随有人来共我说多谢
阁诚拄好 (^ ▽^ )