※ 引述 《ll6a (老成a~)》 之铭言：
: 标题: [问卦] 会有社工把个案逼自杀的吗
: 时间: Thu Nov 21 17:23:38 2024
: 　
: 我只听过有屁精社工利用职务遍历散播爱滋
: 　
: 毕竟社工本质工作是让人心理健康正向
: 　
: 至于本来就有病疏导失败的不算
: 　
: 毕竟重度忧郁症好的概率也不大
: 　
: 但有没有那种故意施加个案压力
: 　
: 一步步引导个案自杀的恶质社工
: 　
: 我很好奇
: 　
: 　
: 　
: 0.0..
你误会矣
社工跟咨商师、心理师任务无仝款
心理师的工课
是针对人的精神抑是适应困扰来治疗
怹足注意案主的内心世界
若社工是徛伫社会系统的角度
去协助案主改善生活
予案主过了较好
当然就像你讲的
生活改善以后
心理压力嘛袂遮大矣
譬论讲一个囡仔定定无来学校
来学校嘛佮同学拢斗阵袂来
成绩、人际关系拢受着影响
这阵心理师介入敢有帮助？
有
毋过其实这真可能毋是学生个人的问题尔
所以社工去佮老师了解
嘛去学生怹兜家访
发现怹老爸咧坐监
老母咧食毒
这个囡仔其实无人咧差教
所以社工就替伊揣各种社会资源
譬论讲寄养家庭/机构
联络课业辅导的志工等等
来改善这个囡仔的社会环境
当然社工嘛有基本的心理辅导能力
咧佮囡仔讲话时
知影按怎讲会当予伊接受甚至就改变想法矣
所以伫美国
有一寡社工甚至变做专门咧做心理治疗
号做临床社工
怹是美国做上济心理治疗的专业人士
比心理师阁较济
犹毋过
这佮美国心理师爱读甲博士+人数较少+收费悬有关系
所以保险公司较爱予人数较济+收费较低的社工来做
台湾佮美国无仝款
台湾心理师是硕士学位
人数无像美国遮少
而且台湾人无心理治疗的文化
所以心理师数量已经有法度应付市场需要矣
台湾社工自然就袂像美国按呢
专门做心理治疗矣
讲真正的嘛无闲去舞彼啦 (^ ▽^ )
社工 心理师拢真重要
各有无仝任务佮关心重点
参考看觅