不如你换一个角度来看：
人会好额敢是因为足拍拼？
这应该真简单回答
当然毋是
有的出世就好额矣
这佮拍拼无关系
当然
你若徛伫轮回的立场来看
凡势诚实是这个人过去世做真济好代
才会遮好命
若莫讲轮回业力
讲一般的
一个人会好额
除了投胎抑是著乐透头奖
主要犹是爱靠家己佮运气
这佮爸母有关系
有咧栽培
有咧照顾关心
爸母嘛捌事理
囡仔有受着好的教育
尤其是好的家庭教育
按呢欲变好额就比别人较有机会
嘛有人是完全靠家己变好额的
实在讲较少
所看着的厝内拢有咧差教较济
阶级复制是原则
完全靠家己的是例外
散的人嘛仝款
尤其价值观的复制