钱就是资源
咱活伫世间
欲创啥拢需要资源
腹肚枵 爱食饭 饭菜油盐就是资源
欲出去 爱坐车 车辆汽油电力是资源
欲上网 用手机电脑 遮的物件拢是资源
钱诚好用
除了岁寿
啥物拢用钱就会当换
其实讲起来
健康嘛爱靠钱来维持
买好的物件食
开刀治疗药仔啥拢爱钱
只是有的人痟趁钱
痟甲颠倒反矣
连食饭拢无时间
提健康来换钱
按呢绝对袂和
是讲这阵二十捅岁的少年仔
佮咱这沿想法无仝矣
甘愿趁较少
会较重视生活品质
所以一寡3k头路拢改请外劳
嘛无意外矣
人甘愿趁较少
伫便利店吹冷气诙妹仔
嘛无爱去工地热甲欲死阁爱看师父的头面