公视新闻网 https://news.pts.org.tw/article/693781
寿山动物园救伤逐年有百外只 以猴、鸟仔为主
发布时间：2024-05-07 11:51 更新时间：2024-05-07 13:47
钟依憓 邱绍扬 / 高雄报导
https://www.youtube.com/watch?v=Z1gse0ra8lU
高雄寿山动物园的救伤中心逐年医治百外只野生动物，鸟仔类占上济。最近动物园连绁救
著两只目睭著伤的暗光鸟的鸟仔囝，目前已经恢复健康矣，动物园嘛呼吁民众，若是伫野
外看着鸟仔囝家己一只踮遐，著爱敲1999通报，毋通乌白抾转去饲。（此则新闻标题、导
言、内文皆为台语文。）
两蕊目睭圆阁大蕊，看镜头的模样实在真古锥，这是暗光鸟的幼鸟仔，顶个月予农业局送
来寿山救伤中心，检查了发现in目睭的角膜受伤，怀疑可能是予挵著，佳哉经过治疗，目
前已经沓沓仔恢复，最近相绁有两只暗光鸟的幼鸟仔送来动物园，因为幼鸟仔阁袂晓飞、
袂揣物件食，爱等in学着野外生存的能力，才会当放散。
寿山动物园救伤中心兽医 王念澄，“阮就是经过目睭的检查了，阮这马是共目睭暂时紩
起来 点目药水，观察暗光鸟目睭恢复的状况，阮会囥一寡活的鸟鼠，予伊家己食，看敢
会当放散。”
寿山动物园救伤中心，逐年拢会医治百外只的野生动物，是以猴山仔、鸟仔猛禽为主，其
中鸟仔著伤的比例占2/3，目前救伤中心内面有八只受伤的暗公鸟，大多拢予挵著，嘛有
翼仔断去、神经出问题等等状况。
寿山动物园救伤中心兽医助理 尤佳宁，“可能有时阵暗光鸟伫训练飞行的时阵，幼鸟仔
落落去岫外口，毋过in的母亲鸟就伫附近，若是共伊tshuā走，伊的学习能力行为会，当
然抑是由亲鸟tshuā，对in的生存较有帮助。”
兽医表示讲，因为暗光鸟适应能力诚强，除了一般的树林，嘛会出现伫都市绿地，生活环
境佮咱人有重叠，呼吁民众若有看着幼鸟仔，千万毋通抾转去饲，抑是交予相关单位协助
治疗。
洪家馨/编辑