对学生无较好
因为分班毋是照品行
对学校较好
好教
我是几十年前读国中的
伫台北市大安区
一年拄入去是s型分班
二年开始英文佮数学分班
三年就规个分开矣
所以我佮89仝班二年
我所拄著的89
这马共想想下
大部分拢是厝内无咧管的
确实是阶级复制
阮班上准的彼个
我印象足深
因为有一摆伊身分证予阮看
顶悬写江苏无锡
我想讲哪会佮我写台北市无仝款
伊毕业了后无阁读书
佮正式教育系统脱离
就一直犯案一直夆关
最后死伫外国
另外一个嘛是老兵的囝
佮怹老爸嘛差真济岁
怹老母台湾人
学历无悬毋过拢有咧共关心
这个就行正途
毕业去读士官学校
这阵嘛满20年退休矣
有某有囝
拢犹有咧联络
平平89
有的品行嘛正常
只是袂晓读书有自卑感所以自我放弃
啊有的成绩较好的
嘛是足瓮肚
重点是
有人关心佮无人管
差足济
国中三年这段时间对一个人足重要的
爱尽量共救
犹有希望
千万毋通阁用威权时代的思想欲硬压
你加共关心
予伊感觉家己无予社会放弃
佮正式社会系统犹维持关系
拢犹有机会
救一个算一个