公视新闻网 https://news.pts.org.tw/article/636901
劳动部调查 干焦15%劳工佮意踮厝上班
郑雅文 庄浚佑 / 台北报导 发布时间：2023-05-15 19:15 更新时间：2023-05-16 14:00
https://www.youtube.com/watch?v=kl2hqATGS9A
疫情稳定、渐渐转去往过的生活，抑若疫情期间，真济劳工改踮厝上班，到底，是好抑是
禾黑？劳动部最近有发布一份研究，调查、踮厝内上班对劳工健康影响的调查。发见佮意
踮厝上班的人、只有15%、特别是职业妇女，上无佮意踮厝上班，颠倒踮公司上班、比较
较自由。(本篇新闻标题、导言、内文皆是台文)
进前疫情期间，真济公司为著避免接触，安排员工踮厝上班，视讯开会这款画面是真四常
。这阵疫情转和，渐渐仔恢复往过的生活，劳动部有做一份调查，反头来问劳工，敢有佮
意踮厝内上班？结果显示佮意踮厝上班、作穑的人、干焦一成五尔尔。
劳动部劳动佮职业安全卫生研究所副研究员 徐雅媛：“阮家己问逐家的意见，发见大概
只有15.6%左右佮意踮厝办公。犹毋过阮发见四成左右的员工是感觉讲，若真正爱踮厝(上
班)也会使，犹毋过就是当做辅助。”
劳动职业安全卫生研究所，旧年4月到12月，有做一份疫情时期踮厝办公的研究报告，发
见有四成的人，较爱伫办公室上班。尤其是女性踮厝内上班的心理压力、比男性较大，尤
其是40岁到59岁之间，有佮厝内人蹛做伙，抑是需要顾囡仔的，家庭冲突的分数嘛较悬。
民众：“因为妈妈踮厝阁爱顾囝、阁爱摒扫，然后阁爱上班，其实代志足济。”
毋过也是有民众较佮意踮厝上班，认为睡眠时间、生活型态、拢通家己调整。
民众：“我的感觉是远距离办公较自由，会当伫厝里做家己的代志，顺绁分配家己的时间
，我不止仔佮意。”
劳安所表示，踮厝上班，劳工的心理健康、困眠、食食敢有正常、上班环境如何，嘛需要
关心。会做这份报告，主要就是欲预防、未来准讲阁需要改踮厝内办公，政府就通参考这
个报告，来提出建议佮政策。