我罔讲你罔听嘿!
台湾就是有一阵政治狂热者，爱煽动人心，
台语煞变成政治工具，
见若讲著台语，就是哩相诤
"台语 v.s. 闽南语"
"国民党"
"外来政权"这类无营养兮问题。
台语上盖大兮危机，就是民众对家己兮语言文化无了解，
生活西化兼北京化嘛感觉爽歪歪，无要无紧。
闽南文化予外省人丑化兼独派切割否认，
闽台文化煞变成众人欲改造兮怪胎。
我举一寡例:
囝仔人只知影日本巧虎，毋知虎爷公祖是囝仔人兮守护神，
食饭桌变成北欧风四角桌，毋知台湾较早用圆桌，
食早顿爱食brunch，毋知阿妈较早食糜配豆乳，
诸母爱买丹麦潘朵拉来挂，讲阿妈手环倯毙毙。
少年爱去跳街舞，古早是咧跳阵头，
讲话爱喇英语Rap，往过阿公上台致词是用台语唸四句联。
基督教敢若较进步文明，宫庙文化逢骂甲(徦，到)臭头。
欶(吸)大麻敢若较秋，哺槟榔敢若较无水准。
台湾人有影头壳一空，白痴白痴。
我有丹麦兮朋友，我问伊你敢是信基督教?
伊讲伊信维京海盗，厝头前有安一尊维京海盗像咧收批，
我佮伊讲阮兜楼顶神明厅嘛有安一尊南无观世音菩萨。
小弟是建议咱爱恢复闽南文化，宫庙文化，建立民族自信心，
莫搁予政治人物牵咧四过叩叩行，
程度较悬兮人，爱跳出来教人河洛话按怎写按怎读，读报纸，读专业文章，
按呢才有可能予民众感觉台语有前途，毋是用来喇猪屎，搏感情尔尔，
如此台语才创会起来。
若予我做教育部长喔，毋是我咧臭弹，
保证台语创甲好势溜溜，
罗马音标，注音符号，汉字拢小寡代志，
通人会晓写，会晓读，搁会晓唸报纸，
蔡在室你敢有听着?